Ракометната репрезентација на Македонија се врати во Скопје и по краткиот одмор, ќе продолжи со подготовки за неделниот меч на домашен терен против Словачка, на кој треба да биде потврден пласманот на Светско првенство.
Од синоќешниот триумф од 31-24 на гости кај Словачка во Прешов, пријатно бил изненаден и селекторот Кирил Лазаров.
„Не очекував толку висока победа. Гостински терен си е гостински терен, особено кога игра национална селекција. Не се сомневам во добро издание и в недела. Играчите заслужија поддршка в недела. Ќе се одмориме малку, а потоа ќе се подготвиме максимално професионално за реваншот“, рече Лазаров.
