Јувентус веќе се договорил со Анхел Ди Марија, а најтрофејниот клуб во Италија подготвува сензационален контранапад против Интер и сака да го ангажира Иван Перишиќ, како одговор за заминувањето на Пауло Дибала во редовите на најлутиуот ривал.
Интер е на пат да го донесе Дибала, кој е икона на Јувентус, но вчера имаше проштален меч за Старата дама и сигурно ќе игра за Нероаѕурите.
Ударот е голем за навивачите на Јувентус, а раководството сака да го намали незадоволството со ангажман на Иван Перишиќ.
Понудата за одличното крило на Интер е 12 милиони евра за две сезони, плус и можнист договорот да се продолжи за уште една година.
Очигледно е дека популарното Дерби на Италија, како што се нарекуваат дуелите меѓу Јувентус и Интер ќе се игра и надвор од терен во летниот преоден рок.
Јувентус преговара и со Пол Погба, кој играше одлично за „црно-белите“ од Торино од 2012 до 2016 година, а сега пак има можност од Манчестер јунјтед да се пресели во редовите на Старата дама.
