Кузмановски позитивен на ковид-19

Филип Кузмановски, македонскиот репрезентативец и член на Хановер, е позитивен на корона-вирусот, потврдија од клубот по тестирањата.

Нашиот ракометар по враќањето од Египет, каде што настапуваше со репрезентацијата на Македонија на Светското првенство, веднаш се тестирал и добил позитивен тест, по што веднаш е сместен во домашна изолација.

Од таборот на Хановер потврдија дека Филип немал контакт со соиграчите по враќањето од Мундијалот, додека останатите членови кои исто така учествувале на СП и се вратиле се негативни.