Ливерпул се смета за фаворит во трката за ангажман на крилниот напаѓач на Спортинг Лисабон, Франсиско Тринкао, во текот на летниот преоден рок.
Според португалските медиуми, Црвените се подготвени да ја активираат откупната клаузула на португалскиот репрезентативец, која изнесува 50 милиони фунти. Сепак, евентуалниот трансфер најверојатно ќе зависи од заминувањата од „Енфилд“ по доаѓањето на новиот менаџер Андони Ираола.
Тринкао веќе има искуство во Премиер лигата откако една сезона настапуваше како позајмен играч во Вулверхемптон. Во дресот на Волците одигра 28 натпревари во англиската елита и постигна два гола. Дваесет и шестгодишниот фудбалер може да игра и како офанзивен играч за врска зад напаѓачот.
Ливерпул бара замена за легендарниот Мохамед Салах, кој го напушти клубот по девет години на „Енфилд“. Најверојатно и Федерико Кјеза ќе си замине од клубот, додека иднината на Коди Гакпо сè уште е неизвесна.
Меѓу главните трансферни цели на Ливерпул се наоѓа и 19-годишниот Јан Диоманде од Лајпциг.
