Најдобриот стрелец во шпанската лига, искусниот Полјак Роберт Левандовски, се придружи на групата фудбалери коишто имаат освоено по 11 титули во Топ 5 првенствата во Европа.
Левандовски има осум титули со Баерн, две со Борусија Дортмунд и сега една со Барселона.
Лионел Меси и Томас Милер имаат шанса со титули сезонава да му побегнат на Левандовски и да имаат по 12. Гери Невил и Пако Генто исто така имаат по 12. По 11 имаат и Џиџи Буфон, Давид Алаба, Арјен Робен и Пол Сколс, а сезонава до 11-тата титула може да дојдат и Мануел Нојер и Кингсли Коман. Французинот Коман е убедливо најмлад од сите овие и во иднина би можело да стане и рекордер.
Рекордер е Рајан Гигс, кој во англиската Премиер лига освои 13 шампионски титули, сите со Манчестер јунајтед во периодот од 1993 до 2013 година.