Македонската кошаркарска репрезентација попладнево гостува кај Луксембург во меч од последното шесто коло во претквалификациите за пласман на Европското првенство во 2029 година.
Нашата репрезентација со максимални 10 бодови е сигурна на првото место, додека Луксембург се надева дека ќе ја сочува втората позиција, на која уште атакуваат Азербејџан и Република Ирска.
Според играчкиот кадар, формата во која се наоѓаат нашите репрезентативци, за очекување е лесен триумф на Македонија. Пред три дена, Луксембург дома загуби од Азербејџан и го доведе во опасност останувањето на второто место.
Пред пет месеци, Македонија во Скопје го победи Луксембург со 79:70, а сите во нашиот табор кои заминаа да бидат дел од денешното гостување се полни со оптимизам за перфектен крај на преквалификациите.
