Женската фудбалска репрезентација на Македонија со домашен пораз од Азербејан ги заврши квалификациите за пласман на Светското првенство. Нашите фудбалерки во Битола беа поразени со 1-3 од Азербејџанките, кои на крајот завршија на втората позиција во групата.
Македонија финишираше на третото место, додека позади нас заврши само селекцијата на Андора. Првото место во групата го освои Унгарија, која ќе биде дел од баражот за пласман на женскиот Мундијал.
Дуелот во Битола беше одлучен уште во првото полувреме, со оглед дека конечните 1-3 беа поставени уште по првите 45 минути. Гостинките од Азербејџан дојдоа во водство преку Бакаранѕе уште во осмата минута, но Хава Мустафа израмни само три минути подоцна.
Азербејџанките се вратија во водство во 28-мата минута преку Молајева, додека на 1-3 зголеми Мирзалиева во 37-мата минута.
