Гилберт Аренас своевремено беше еден од најопасните поентери во НБА-лигата, a најголемиот дел од кариерата го помина во редовите на Вашингтон визардс. Иако не стигна да освои шампионски прстен, Аренас беше доста атрактивен за гледање, а блескав момент во кариерата дефинитивно му е животната партија против Коби Брајант и ЛА лејкерс.
Волшебниците гостуваа во Лос Анџелес, каде што славеа против Лејкерси со 147:141 по продолженија, а Аренас придонесе со неверојатни 60 поени. Ретко кој играч може да се пофали дека во „Стејплс центарот“ постигнал 60 или повеќе поени, а да не е играч на 16-кратниот првак.
„По натпреварот, во неверување си реков: вау, постигнав 60 поени против Црната Мамба, а тренерот додаде: И победивме… За*би ја победата, кому му е грижа за победата, јас дадов 60 против Коби. Ме заболе дали сме победиле или загубиле, му забив 60 поени на Брајант. Ниту ме засегаше колку беше крајниот резултат“,изјави Аренас.
"I JUST SCORED 60 ON KOBE, WHAT THE F*CK IS A WIN???"
Gilbert's stories about competing against Kobe are wild. These dudes took everything to the next level: https://t.co/41zUM2A6tN pic.twitter.com/Dpu48BFo02
— SLAM (@SLAMonline) April 28, 2020
