Екипата на Металург утре ја чека ждрепката на која ќе ги добие противниците од групната фаза во Лигата на Европа, а пласманот беше остварен во крајно драматична завршницата на синоќешното гостување во Цирих кај Криенс. Заслуга за резултатот имаат и македонските љубители на ракометот кои живеат и работат во Швајцарија, а дојдоа да го бодрат тимот од Автокоманда.
Металург во финишот можеше да изедначи, но не го реализираше нападот и се најдовме во непријатна ситуација во последните 20 секунди да го брани последниот напад на противникот, и тоа со играч помалку. Одбраната беше на висината на задачата, за голема радост на сите.
Меѓу македонските навивачи беше и репрезeнтативецот Мартин Поповски, кој летово од Пролет се пресели во швајцарскиот прволигаш Амичитија.
Металург ја оствари својата прва од планираните цели во оваа сезона и на утрешната ждрепка мирно ги чека противниците во групата. Во групната фаза на ракометната ЛЕ ќе игра и Еурофарм Пелистер.
Погледнете ја завршницата на мечот Криенс – Металург, кој заврши 22-21 за домашните, но Металург оди понатаму бидејќи на првиот меч во Скопје славеше со 26-24.