Металург не успеа да забележи победа на терен во премиерниот настап во Европската лига на ЕХФ, а вечерва одигра добар меч и ремизира со Адемар Леон, 27:27.
Македонскиот претставник прокоцка убава можност за прв триумф на терен во деветте кола во А групата бидејќи водеше и со 4 гола разлика, а гостите од Шпанија за првпат поведоа во 54-тата минута, кога беше 24:25.
Финишот беше драматичен, а Шпанците беа поблиску до победа. Водеа со 27:25 на малку повеќе од минута и пол, но Металург се извлече со головите на Калуѓеровиќ и на Тарабокија.
Мечот беше од ревијален карактер, без посебно резултатско значење бидејќи Металург веќе се прости од премиерниот настап во новото натпреварување на ЕХФ.
Металурзите имаат само една победа, и тоа со службен резултат од 10:0 против Тулуз и завршија како последни во својата група. Вечерва имаа предност од 16:13 по првиот дел, потоа и највисоки 4 гола разлика, 19:15, но не успеаја да ја забележат првата победа на терен.
The keeper can 👀 at his hand all he likes, there was no stopping that shot by @ADEMARLEON's Jaime Fernandez! #ehfel pic.twitter.com/2IL8ONIbUY
— EHF European League (@ehfel_official) March 2, 2021
Мартин Серафимов кај Металург и Перес кај Адемар Леон со по 7 гола беа најефикасни на мечот.
