Милан со конкретна понуда за Фабрегас: 10 милиони евра за две и пол години

Претстанвиците на Милан силно притискаат да го доведат Сеск Фабрегас во своите редови уште во јануарскиот преоден рок. Веќе е доставена конретна понуда до агентот на Шпанецот, договор на две и пол години, според кој ќе заработува четири милиони евра по сезона или вкупно 10 милиони евра.

Иако Маурисио Сари сака да го задржи Фабрегас во својот тим, плејмејкерот на „сините“ има желба да добива поголема минутажа, а воедно и договорот кој му истекува налето да му биде продолжен на подолг период, што е спротивно на филозофијата на клубот кога се однесува за играчи постари од 30 години.

Во Милан сигурно ќе има поголема улога, но италијанските медиуми пренесуваат дека „росонерите“ не сакаат да ја исплатат сумата која ја бара Челзи, а таа изнесува 12 милиони евра. Причина за тоа е што Фабрегас налето ќе биде слободен играч доколку не ја обнови соработката со клубот од Лондон, па Милан може да го добие и без пари, а не им е проблем да чекаат да заврши сезоната за да го ангажираат искусниот Шпанец.

- Оглас -

Најнови вести