Кошаркарите на МЗТ Скопје по 20 минути игра во првото коло во АБА лигата имаат 16 поени негатива на гостувањето кај шампионот Црвена звезда, 39:22.
Металците одиграа добро во првата четвртина која ја загубија со 13:9, но потфрлија во втората. Им проработе шутот на „црвено-белите“, постигнаа три тројки и четвртината ја добија со 26:13.
Најдобар во редовите на МЗТ Скопје беше Бојан Крстевски кој постигна 10 поени, Војдан Стојановски даде 8, но изостана поддршката од останатите кошаркари.
