Јулијан Нагелсман има опасен шут и во игра два на два на тренинг на Лајпциг го повредил својот аналитичар во стручниот штаб, Бењамин Глик.
Инцидентот бил случаен и е бизарен, но Глик можел опасно да настрада, откако тренерот на Лајпциг го погодил со топка во пределот на вратот. И веднаш потоа го однел во болница со својот автомобил.
Глик е на боледување, бидејќи му е повреден нерв, но за среќа на двајцата не се работи за сериозен проблем.
Нагелсман пристигна во редовите на Лајпциг ова лето и одлично го предводи тимот, кој е второпласиран во Бундеслигата и успеа да се пласира во нокаут фазата од Лигата на шампионите.
За мечот со Фортуна Диселдорф најмладиот бундеслигашки тренер, кој има само 32 години ќе мора сам да подготвува тактика и анализа, по принудното отсуство на Глик.