Некогашната светска шампионка во пливање Богларка Капас јавно објави дека е заразена од опасниот Коронавирус, но дека нема никакви симптоми, односно дека засега многу добро ја поминува болеста. Таа двапати била тестирана. Првиот тест покажала дека е негативна, но вториот тест потврдил дека има Коронавирус.
Неполни 24 часа по објавата на Капас стана јасно дека таа не е единствената унгарска пливачка заболена од опасниот вирус. По најновите тестови, потврдено е дека девет унгарски пливачи се заразени, како и десет тренери и луѓе кои се дел од пливачката селекција на Унгарија.
