Спортските манифестации во Лондон од утре ќе се одржуваат без публика откако главниот град на Велика Британија прогласи највисок степен на ограничување поради големиот број заразени од корона-вирусот. Од 2 декември наваму беше дозволено до 2.000 навивачи на стадионите и друг отворен простор, но сега и тоа е забрането.
Ова значи дека на премиерлигашките средби Вест хем – Кристал палас, Арсенал – Саутхемптон и Фулам – Брајтон нема да има публика, но не само таму. Фанови на трибините во ова коло ќе смее да има само на дербито помеѓу Ливерпул и Тотенхем бидејќи во градот Ливерпул уште не се воведени строгите мерки.
Од премиерлигашите, само Ливерпул, Евертон, Брајтон и Саутхемптон смеат да пуштат по 2.000 гледачи.