Реал Мадрид го победи Ајакс со 2-1 во Амстердам и е речиси сигурен патник во четврт-финалето од Лигата на шампионите. Сепак, резултатот можеше да биде многу поинаков доколку судијата Дамир Скомина го признаеше голот на Ајакс во првиот дел, при резултат 0-0.
Николас Талјафико погоди со глава и почна радоста на играчите на Ајакс, но судијата реши дека треба да се консултира со ВАР-системот. По прегледување на снимката, голот беше поништен поради офсајд, а оваа одлука предизвика многу недоверба. Од УЕФА решија да објаснат зошто погодокот беше поништен.
„Судијата констатираше дека голот на Ајакс е поништен бидејќи Tадиќ му пречи на голманот Тибо Куртоа и е во офсајд позиција, во моментот кога Николас Талјафико шутира со глава. Одлуката на Скомина е исправна и одлично ги примени инструкциите на ВАР-системот. Голот беше правилно поништен“, стои во соопштението на УЕФА.
Некои фанови се сомничат во УЕФА и во оваа одлука на Скомина, посебно поради тоа што мечот во Амстердам требаше да го суди Полјакот Шимон Марчињак, но во последен момент тој беше заменет и на негово место беше поставен Скомина за главен делител на правдата на средбата во Амстердам.
VAR in the UCL: in the 38th minute of the Ajax v Madrid first leg, Nicolás Tagliafico’s headed goal was ruled out following a VAR review. The referee identified that Tagliafico’s team-mate Dušan Tadić was in an offside position and interfering with the goalkeeper – pic.twitter.com/sPtZFd6YiB
— UEFA Champions League (@ChampionsLeague) February 13, 2019