Одбојкарската репрезентација на Македонија со пораз од Израел го заврши настапот во овогодинешното издание на Европската лига. Нашите одбојкари на турнирот во Приштина го доживеаја и третиот максимален пораз и на финалното рангирање ќе бидат во втората половина од вкупно 27 селекции.
Првите два сета на денешниот меч му припаднаа на Израел со идентични 25-19, додека во третиот сет неизвесност имаше само во почетната фаза, а потоа противникот се одлепи и успеа да го освои сетот со 25-14 за максимални 3-0.
Со оглед дека ЦЕВ ги укина регуларните квалификации, пласманот на Европското првенство 2028 година го обезбедија најдобрите четири селекции од Европската лига, а Македонија шанса за нов пласман на континентален собир ќе има следната година.
