Лани беше во идеалниот тим на јуниорската Евролига, сега му се приклучи на првиот тим на МЗТ Скопје

Големиот турски талент Самет Јигитоглу, кој има само 18 години и е висок 216 сантиметри, и следната сезона ќе игра за МЗТ Скопје откако е прекомандуван од втората екипа во најдобриот тим на Штрковите.

Центарот потпиша договор со македонскиот првак за претстојната сезона и ќе се обиде да му помогне на МЗТ Скопје во битката за одбрана на домашната круна, но и во настапот во АБА-лигата.

Јигитоглу минатото лето дојде од Бешикташ во МЗТ Скопје УНИ Банка, односно во вториот тим на шампионот, а е супер талентиран, што го потврди со настап на завршниот турнир во јуниорската Евролига.

Таму беше и избран во идеалната петорка, а сега успеа да напредува и да стигне и до првиот тим на македонскиот првак.

Јигитоглу е дванаесетиот кошаркар кој тренерот Александар Петровиќ ќе го има на располагање за новата сезона.

Тука се уште Американците Бре Ајви, Еван Максвел и Мајк Кафи, Србинот Страхиња Миќовиќ, како и македонските репрезентативци Дамјан и Војдан Стојановски, Адем Мекиќ, Бојан Крстевски, Дамјан Робев, Андреј Магдевски и Анреј Андоноски. Со првиот тим ќе работат и младинците Димитар Иванов, Марко Спасовски и Бојан Величковски.

 

- Оглас -

Најнови вести