Европската фудбалска федерација (УЕФА) денеска од 13 часот ќе ја започне можеби најнеобичната седница. Телефонски ќе треба да има договор меѓу сите 55 земји членки на УЕФА, како и челниците на ФИФПро и Асоцијацијата на професионални фудбалери за тоа како ќе се заврши оваа сезона која е прекината поради пандемијата од Коронавирусот.
Освен домашните првенства, треба да се реши и иднината на Европското првество, кое треба да се игра летово, како и завршницата на европските натпреварувања, Лигата на шампиони и Лигата на Европа.
Во последниве неколку денови има многу шпекулации околу тоа кои ќе бидат одлуките на УЕФА, а шпанскиот весник „Онда серо“ открива дека ќе бидат донесени четири главни одлуки, а тоа се:
- Европското првенство ќе биде одложено и нема да се игра летово, туку ќе биде одложено за 2021 година.
- Сите прекинати домашни првенства ќе треба да продолжат на 3 мај.
- Сите домашни лиги ќе треба да завршат до 28 јуни оваа година.
- Финалето на Лигата на шампиони ќе се игра на 30 јуни 2020 година.
