Дури 24 меча низ целиот континент ќе се играат во второто по ранг натпреварување на УЕФА, Лигата на Европа. Од огромната понуда која е дадена за типување, постојат неколку мечеви на кои има изразити фаворити за освојувања на трите бода.
Германскиот бундеслигаш Баер Леверкузен првпат ќе игра против АЕК Ларнака и фактот дека плус на своја страна го има домашниот терен, една од најдобрите екипи во Германија не би требало да има проблеми да стигне до победата. Покрај „единицата“, можно е да има и повеќе од три гола.
Дуделанж е првиот тим од Луксембург кој стигна да игра во групната фаза од Лигата на Европа. Сепак, дека тоа не е случајно, Дуделанж покажа на првиот меч, кога на свој терен минимално, со 0-1 загуби од Милан и не се посрамоти. Сега против Бетис на гости се очекува повторно да одиграат цврсто во одбраната, но тешко дека би можеле да одолеат во текот на сите 90 минути против шпанскиот тим.
Турскиот гигант Фенербахче не е многу заинтересиран за настапите во Лигата на Европа, но фактот дека противник во Истанбул им е Трнава, треба да значи дека бодовите ќе бидат за домаќините, кои би требало овој меч да им е пресврт и повторно да почнат да победуваат.
Арсенал гостува на Карабах, и тоа речиси со втор состав, но повторно „топчиите“ се фаворити. Премиерлигашот на овој меч ќе биде без Обамејанг, Чех, Косељни, Мхитарјан и Ремзи. Карабах на последните осум средби нема одиграно нерешено и ќе биде чудно ако овојпат успее да остане непоразен против големиот фаворит.
