Жоао Педро можеше да биде јунакот на Калјари во дуелот против Фиорентина, но стрелецот на единствениот гол за домаќините во ремито 1:1 на крајот беше трагичарот на мечот од 23. коло во Серија А.
Во ситуација кога Калјари водеше со 1:0 и имаше играч повеќе на теренот, Педро изведе пенал и го промаши.
Можеби на концетрацијата на најдобриот стрелец на Калјари влијаеше и предолгото чекање да се изведен пеналот, но Терачијано лесно му го одбрани ударот.
Не помогнаа ниту молбите од трибините, а на интересен начин член на раководството на Калјари се молеше за сигурна реализација за 2:0.
Joao Pedro Penalty miss + Odriozola red card replay 68′ from soccer
Веднаш потоа стаса казната и Сотил погоди за израмнување на 1:1, па Калјари не успеа да победи, иако имаше предност од 1:0, играч повеќе и пенал за чиста победа.
Претходно при резултат 0:0 во осмата минута пенал за Фиорентина промаши Бираги.