Меган Рапино беше ладнокрвна при ударите од белата точка во седмата и 75. минута што беше доволно Американките да ја победат Шпанија во еден од дерби мечеви во осминафиналето на женскиот фудбалски Мундијал.
Фудбалерката на Атлетико Мадрид, Џенифер Хермосо израмни на 1:1 во деветтата минута, но Шпанките не успеаја да постигнат уште еден гол за продолженија и се елиминирани.
Американките се актуелни шампионки, но ќе имаат тешка задача да го елиминираат домаќинот Франција, во обидот да се закитат со четвртата светска титула.
