Голманот на Астон вила, Пепе Рејна, вели дека борбата со Коронавирусот било најстрашното искуство во неговиот живот. Рејна има 37 години и вели дека најмногу се уплашил кога не можел нормално да земе воздух. Голманот открива дека сега е пред победа против опасниот вирус.
„Кога ги почувствував првите симптоми од вирусот, веднаш се почувствував многу уморен. Имав температура, грозница, сува кашлица како никогаш досега. Најтешкиот момент ми беше кога сфатив дека не можам да земам воздух. Цели 25 минути се борев за да земам воздух за да можам да дишам. Никогаш во животот не сум бил поуплашен, тоа беше бесконечно време без да земам воздух. Сега чувствувам дека го победувам Коронавирусот“, вели Рејна, кој во Астон вила игра како позајмен од Наполи.
