Динамо Загреб направи голем успех откако во осминафиналето на младинската Лига на шампиони го елиминираше Баерн Минхен. Талентите на хрватскиот првак покажаа дека Модрите имаат светла иднина и дека во следните сезони може да очекуваат нови успеси во Европа.
Иако Баерн ја имаше фаворитската улога на мечот, Динамо по 30 минути игра водеше со 2:0. До крајот на првиот дел Баерн намали на 1:2, а во 88-мата минута Динамо си даде автогол за 2:2, па победникот мораше да се решава на пенали.
Иако психолошката предност беше на страната на играчите на Баерн, затоа што тие беа на прагот на елиминација, младите хрватски ѕвезди не потклекнаа под притисокот.
По првите пет серии на пенали, резултатот беше 3:3, па пенал-рулетот продолжи додека еден тим не згреши, а другиот не погоди. Такво нешто се случи во осмата серија, кога играчот на Баерн не погоди, а Хрвој беше прецизен за голема радост на младинците на Динамо Загреб.
