Пол Џорџ го продолжи договорот со Лос Анџелес клиперс, клубот за којшто ќе игра и во следните пет години за сума од 190 милиони долари.
Со предвидените бонуси, сумата може да порасне и до 226 милиони долари, што е астрономски договор, еден од највисоките во историјата на НБА-лигата.
Paul George, who called the Clippers his home, reaches a four-year extension. The next big offseason piece for the Clippers, obviously, is now re-signing Kawhi Leonard. https://t.co/54vdMsWssx
— Andrew Greif (@AndrewGreif) December 10, 2020
Иако беше критикуван за скромните настапи во полуфиналето на Западната конференција против Денвер нагетс, тимот што ги елиминираше Клиперс, сепак Џорџ останува во тимот со шампионски амбиции.
Имаше актуелен договор на уште една сезона, што сега се продолжи на уште четири, а тоа би значело дека 30-годишниот кошаркар би можело да ја заврши кариерата во сегашниот клуб.
Следна цел на еден од фаворитите за титулата во новата сезона во НБА е да се продолжи договорот и со Кавај Ленард, првата ѕвезда во тимот.
Ленард пристигна во Лос Анџелес клиперс во 2019 година, исто како и Џорџ, и тие се ударниот тандем на една од најсилните екипи во Лигата.
