Регионалното дерби меѓу Фортуна Келн и Ахен ќе се памти по потегот на навивачите на двата клуба. Иако се работи за меч од четвртата лига во Германија, дуелот имаше директен телевизиски пренос, но фановите на двата клуба не беа воопшто среќни.
Поради ТВ-правата, беше решено мечот да се игра в понеделник, а не за викенд како што очекувале фановите. За да го покажат својот револт за оваа одлука средбата да се игра во работен ден, домашните навивачи направија прекин со тоа што фрлија голем број тениски топчиња на теренот.
Потоа голем дел од навивачите на двата клуба, „вооружани“ со свирчиња, решија да му попречуваат на судијата и да не може да се слушне судиската свирка. Во тоа и успеаја, па дуелот беше во прекин 15-тина минути. Сепак, по договор на навивачите, мечот на крајот продолжи, а заврши со резултат 1:1.
Fortuna Köln vs. Aachen (4th tier) was scheduled for Monday due to a TV broadcast.
In response: Fortuna fans throw tennis balls onto the pitch, both sets of fans blow whistles, game stopped for 15mins as the referee’s whistles couldn't be heard. #FORAACpic.twitter.com/8Agzq6tJNM
— Felix Tamsut (@ftamsut) November 4, 2019
