Реал Мадрид може да остане без планираното засилување, откако Нико Пас побарал да остане уште една сезона во Комо. Сепак, според шпанските медиуми, последниот збор ќе го има новиот тренер на „кралевите“, Жозе Мурињо, кој треба да одлучи дали младиот фудбалер му е потребен.
Нико Пас имаше одлична сезона со Комо и сензационално успеа да дојде до пласман во Лигата на шампионите, па желбата на Аргентинецот е да биде дел од екипата која ќе настапи во елитното натпреварување.
Аргентинецот беше дел од втората екипа на „кралевите“, а за првиот тим одигра четири меча во сезоната 2023/24, пред да се пресели во Комо, но Реал Мадрид има право да го врати на „Сантијаго Бернабе“.
