Првиот човек на Атлетико Мадрид, Енрике Серезо, по победата на Атлетико над Ливерпул, рече дека тренерот Диего Симеоне уште долго време ќе остане на клупата, а го „боцна“ и противникот на чиј терен Јорганџиите ќе треба да бранат предност од 1-0.
„Според новинарите, пред една недела не чиневме, а сега сме супер тим. Имаме голем тренер, уште долго ќе биде со нас. Ливерпул е тим кој имаше серија од 30 меча без пораз, велеа дека се најдобар тим на светот. Среќни сме што ги победивме, тој што удира прв, удира двојно, но има и реванш. Стадионот ‘Енфилд’ е славно место, но стар е. Не би ја поминал техничката инспекција ако го проверуваат“, рече Серезо со насмевка на лицето, што значи дека го кажал тоа на шега.