Ракометниот клуб Металург го освои првиот бод во третиот настап во ЕХФ Европската лига откако вечерва во „Борис Трајковски“ одиграа нерешени 33-33 против австриски Аон Фајверс.
Металурзите имаа негатива по првото полувреме во кое примија дури 19 голови, но потоа во вториот дел заиграа подобро и на крајот мораа да се задоволат со бод бидејќи гостите го имаа последниот напад, но не реализираа.
Хорват и Серафимов со по 7 гола беа најефикасни во македонскиот тим, Канкараш даде 6, а Мариќ пет. Кај Австријците блескаше крилото Дамбек со 11 гола од 12 упатени шутеви кон голот на Металург.
