Милан ќе му биде противник на Јувентус во полуфиналето од Купот на Италија откако Росонерите славеа со 4-2 против Торино во драматичната пресметка која се реши по продолженија. Практично сите три измени на Стефано Пиоли се покажаа како вистинска одлука, а херои на домаќините се Чалханоглу и Ибрахимовиќ.
Швеѓанецот го постигна првенецот на „Сан Сиро“ по враќањето во црвено-црниот дрес оваа зима, односно ги постави конечните 4-2 во 109-тата минута. Само три минути претходно, Чалханоглу стрелаше за пресврт од 3-2, а турскиот репрезентативец исто така го донесе израмнувањето за Милан во првата минута од судиското надополнување по регуларните 90 минути.
Домаќините инаку поведоа по 12 минути игра со голот на Бонавентура, а Бремер како двоен стрелец на Торино сакаше да приреди изненадување на „Сан Сиро“.
Интер и Фиорентина утре во 20:45 часот ќе одлучуваат кој ќе биде противник на Наполи во второто полуфинале.
https://twitter.com/Emretwitte/status/1222269033162080256
https://twitter.com/GOALMW2/status/1222275389764046848
https://twitter.com/GOALMW2/status/1222280025577271297