Поранешниот потпретседател на Монако, Вадим Василиев, откри дека Килијан Мбапе планира еден ден да го облече дресот на Реал Мадрид, но и дека ја одбил првата прилика да го направи тоа во 2017 година. Откако суперталентираниот Мбапе експлодираше како играч на Монако во сезоната 2016/17 и со 26 гола придонесе Кнезовите да ја освојат титулата во Франција и да стигнат до полуфиналето во ЛШ, Реал потоа запна да го доведе Мбапе на „Сантијаго Бернабеу“, но тој сметал дека е рано за таков потег во неговата кариера.
Па наместо во Мадрид, Мбапе се пресели во родниот Париз и се претвори во светска ѕвезда бранејќи ги боите на ПСЖ, каде што и ден денес остварува успех на инидивидуално и клупско ниво.
„Килијан ми кажа дека е рано да направи трансфер во Реал. Сакал да игра повеќе од една сезона во Франција, желба му беше прво да се докаже во неговата земја, а потоа да размислува за интернационална кариера“, вели Василиев.
„Прво ќе докажам дека сум најдобар тука, Реал може да ме чека“, го цитираше Василиев младиот Мбапе.