Зимската пауза во германското првенство, Франк Рибери реши да ја искористи и да отпатува на мини одмор во Дубаи. Еден од најдобрите играчи на Баерн Минхен беше во ресторанот на еден од најпознатите готвачи во светот, Нусрет Гокче. Во изминативе неколку недели, во тој ресторан гости беа и Лионел Меси, Диего Марадона, Роберт Левандовски и многу други.
Рибери уживаше во мајсториите на Нусрет, а потоа како што е традицијата, тој самиот го зачини месото. Овој потег на Рибери, дека решил да јаде во ресторан каде за парче месо платил 1.200 евра, наиде на многу негативни коментари на социјалните мрежи, но Французинот не им остана должен и без многу да одбира зборови реши да им врати.
„Новата 2019 година започна со многу коментари на хејтери и завидливи луѓе. Тоа се луѓе кои се родени само затоа што се дупнал презервативот. Да ви е**м мајките, бабите и целото ваше семејно стебло. Немам што да објаснувам на вас“, напиша Рибери во вулгарниот коментар.
