Рој Кин беше еден од најголемите борци во Манчестер јунајтед и вистински капитен во златната ера на Црвените ѓаволи и јасно е дека не му се допаѓа односот на сегашната генерација на гигантот. Шампионска титула во Англија во последните 9 сезони е само мисловна именка за 20-кратниот првак и рекордер во земјата која е колевка на фудбалот.
По поразот на неговиот поранешен клуб од Манчестер сити со 4:1 во големото градско дерби, Кин беше бесен и со остри критики ги нападна играчите на Манчестер јунајтед.
„Повеќе мислат на изгледот и на фризурите, отколку да се борат на теренот. Мегваер не личи на капитен, а целиот хаос со капитенската лента и со незаинтересираниот однос на играчите влијае лошо кај големата армија навивачи. Зошто би оделе да гледаат фудбалери кои не се борат за светите симболи на клубот? Доста е и со социјалните мрежи и со глумење мода, платени се за да играат фудбал“, истакна Кин.
These guys it’s all about how am I looking, am I looking the part? Are my boots nice? Hows my hair looking? Just play the game.” Roy Keane goes full box-office with an explosive rant about Manchester United from soccer
Манчестер јунајтед е далеку од титулата и сега, а загрозено му е и учеството во Лигата на шампионите, но е шампион по инциденти и непријатни ситуации.
Капитенот Хари Мегваер пред две лета имаше сериозен инцидент на Миконос, па дури заврши и со лисици на рацете во притвор.
Мејсон Гринвуд е обвинет за обид за убиство и за малтретирање на својата девојка, а има и многу незадоволство кај дел и од останатите фудбалери на англискиот рекордер.