Кристијано Роналдо собира само плусoви, сè му оди од рака

Настапите во дресот на Јувентус не му беа најдобри на почетокот, „дури“ три кола немаше дадено гол, на дебито во Лигата на шампионите доби црвен картон, но лошата среќа е зад него. На последните девет меча, Кристијано има осум гола и четири асистенции.

Роналдо е фудбалер кој најмногу шутира кон противничките голови (88 шута на 12 меча), па така и целата екипа на Јуве сезонава има речиси 100 шута повеќе во споредба со минатата сезона по 12 рунди. Јувентус првпат во 88 години успеа да ги добие првите осум меча во Серија А.

Репрезентацијата на Португалија се пласираше во плејофот на Лигата на нациите, но без помошта на Роналдо. Тој по СП, сакаше одмор, а и неговите недоразбирања со УЕФА и обвинувањата за силување од 2009 година го оддалечија привремено од националниот тим.

Позитивни работи се добиениот бод во гласањето за фудбалер на годината од страна на ривалот Лионел Меси, ја убеди јавноста дека обвинувањата се фабрикувани, а пред еден месец на дуелот со Џенова стана и прв играч во историјата со 400 гола во топ 5 лигите (84 во Англија, 311 во Шпанија, останатите во Италија). Ниту Меси нема дадено 400 гола во клупската кариера.

И во приватниот живот му оди. Според бројот на следбеници на социјалните мрежи, тој е број 1 меѓу фудбалерите, а на „Инстаграм“ е најпопуларен воопшто од сите луѓе, со 2 милиони предност пред пејачката Селена Гомес. Наскоро се очекува со брак да ја круниса врската со Георгина Родригес, девојката која му роди ќерка. Претходно, Роналдо добиваше деца само од сурогат мајки.

- Оглас -

Најнови вести