Џеронимо Рули ќе брани за Монпелје, а ќе го има статусот на позајмен голман од Реал Сосиедад откако трите страни го прифатија договорот.
Сепак, 27-годишниот голман не е задоволен од постапката на сè уште неговиот клуб Реал Сосиедад бидејќи смета дека не е постапено фер кон него.
„По пет години во клубот, сакав разделбата да биде малку поинаква. Не ни замислував дека ќе си заминам од задната врата“, изјави Рули.
Тој беше и член на Манчестер сити, па потоа пристигна на „Аноета“ како позајмен голман, а и сега ќе го има тој статус во Монпелје, клуб кој ќе има право да го откупи неговиот договор со Реал Сосиедад.
