Вејн Руни се согласи на договор до 18 месеци со англискиот второлигаш Дерби каунти, кој ќе стартува од јануари 2020 година. Искусниот голгетер по две минати сезони во МЛС лигата во дресот на Ди Си јунајтед, му се враќа на англискиот фудбал и ќе има двојна улога во редовите на Овните.
Поранешниот голгетер на Манчестер јунајтед ќе биде играч/тренер, добивајќи шанса да го изучува занаетот од новоназначениот предводник Филип Коку. Платата на Руни се верува дека е околу 100.000 фунти неделно.
„Морав да донесам одлука за мојата иднина и сметам дека ја направив вистинската. Имав желба да се вратам во Англија со цел да продолжам со моето усовршување во тренерската работа. Добив прекрасна можност да соработувам со тренер каков што е Коку, па затоа оваа понуда не можев да ја пропуштам“, истакна Руни.
Pleased with this one, Rams? 😉#WR32 pic.twitter.com/YC0EkN3SER
— Derby County (@dcfcofficial) August 6, 2019
