Антонио Рудигер уште на првиот свој официјален натпревар во дресот на Реал Мадрид, го освои првиот трофеј, оној од европскиот Суперкуп, и со тоа е единствен поединец кој ја одбрани оваа титула од лани.
Минатата година Рудигер со Челзи го освои Суперкупот на УЕФА, а тоа го повтори и сега со Реал Мадрид. Германскиот дефанзивец е само вториот фудбалер во историјата кој го освоил Суперкупот две години по ред со два различни тима.
Пред Рудигер, кому прекар му е Тони, тоа му имаше успеано само на неговиот имењак, сонародник и нов клупски колега, Тони Крос. Крос го освојуваше Суперкупот во 2013 со Баерн и во 2014 година со Реал.
