Полскиот тенисер Хуберт Хуркач го направи едно од најголемите изненадувања на годинашниот Вимблдон откако во пет сета го исфрли Русинот Данил Медведев во осминафиналето на турнирот. Хуркач, кој е рангиран на 17-тото место на АТП-листата, во меч кој траеше два дена го победи фаворитот Медведев.
https://twitter.com/i/status/1412400826149224451
Подвигот на Полјакот е уште поголем затоа што Медведев имаше водство од 1:0, па и 2:1 во сетови, но на крајот Русинот загуби. По сетови, дуелот кој започна вчера, а беше прекинат поради дожд, потоа и поради темница, заврши со 2:6, 7:6, 3:6, 6:3, 6:3.
За Хуркач ова ќе биде прво учество во четвртфиналето на Вимблдон, а таму го очекува дуел против легендарниот Роџер Федерер.