Европската фудбалска унија, УЕФА, соопшти дека претстојниот меч од Лигата на шампионите помеѓу украински Шахтар и француски Лион ќе се игра во Киев.
Овој дуел требаше да се игра на 12-ти декември во Харков, но сепак е решено е да се пресели на „Олимписки“ во Киев, откако во некои делови на Украина е воведена воена состојба. Ова значи дека Шахтар како домаќин ќе игра на стадионот на неговиот ривал Динамо.
Лион е на второто место во групата Ф, а Шахтар е трети со два бода помалку. Првото место црвсто го држи Манчестер сити, а Шахтар мора да слави против Лион ако сака да оди во осминафиналето, во спротивно ќе стравува дека ќе може да остане и без Лигата на Европа, доколку загуби, а Хофенхајм го совлада Сити.
Законот за воена состојба во Украина е воведен по инцидентот во кој руската крајбрежна стража во Црното море заплени три брода на украинската воена морнарица и го зароби екипажот.
