Португалската, па и светската фудбалска јавност се во шок, откако беше откриено дека клубот Порто на гатачка и плаќа 15.000 евра месечно. Задача на гатачката било да предвидува резултати.
Гатачката која се вика Мадалена Ароса, била регистрирана во стручниот штаб на Порто како лекар, а фановите се лутат што таа била плаќана толку многу и сметаат дека е непотребно расфрлање со пари, кое беше потврдено и од УЕФА која го казни клубот за прекршување на финансискиот ферплеј.
Наводно и Бенфика го правела истото во 2017 година и помогнало да освои титула, па суеверните челници на Порто решиле да плаќаат жена која нема врска со фудбалот.
