Челниците на шпанската Примера дивисион официјално соопштија дека натпреварите од најсилната лига се одложуваат на неодредено време. Во Примера првично беше донесена одлука за прекин на првенството до 3 април, но сега веќе е јасно дека многу подолго ќе трае принудната пауза поради Коронавирусот.
Во одлуката на првите луѓе на шпанското првенство се вели дека нема конкретен датум до кога ќе трае прекинот на првенството. Продолжување на фудбалските возбудувања ќе има дури откако ќе стивне заразата од Коронавирусот.
Од Шпанија стигнуваат страшни вести дека само во изминативе 24 часа починале дури 462 луѓе, па затоа фудбалот и останатиот спорт е далеку од паметот на сите.
Football in Spain postponed indefinitely. pic.twitter.com/o95nIk3P3l
— ESPN FC (@ESPNFC) March 23, 2020
