Силекс ќе му биде домаќин на Пелистер денеска од 17 часот, во премиерниот меч од второто коло во Првата македонска фудбалска лига.
Кратовци добија очекуван и вообичаен попуст пред стартот на квалификациите во Лигата на шампионите и наместо во недела, ќе ги пречекаат битолчани денеска.
Ова е прв меѓусебен дуел на двете екипи по двегодишна пауза, а и Силекс и Пелистер имаа победнички старт без примен гол во новата сезона во Првата фудбалска лига.
Силекс ја растури Беласица со неверојатни 6:0 на гостински терен во Струмица, а денеска ќе се обидат повторно да победат за добро расположение пред патот во Баку, каде што ќе играат против Карабах во првото квалификациско коло во Лигата на шампионите.
Тој меч е закажан за 18 август и ќе се игра на стадионот „Тофик Бахрамов“ во Баку од 18 часот.
Пелистер исто така победи во првото коло, а камбекот во ПМФЛ беше успешен и славенички со триумф од 1:0 против Академија Пандев.
Утре од 17 часот ќе играат Работнички и Беласица, а останатите мечеви од второто коло се закажани за во недела, исто така од 17 часот.
Двојки, второ коло:
Денеска, 17 часот: Силекс – Пелистер
Сабота, 17 часот: Работнички – Беласица
Недела, 17 часот: Академија Пандев – Вардар, Борец – Ренова, Шкендија – Струга, Шкупи – Македонија Ѓ.П.
