Водечките три екипи во германската Бундеслига без никакви проблеми се израдуваа на нови победи. Шампионот Баерн Минхен уште во првото полувреме ги реши сите дилеми во дуелот против Хофенхајм и славеше со 4:0. Гнабри погоди за 1:0 во 16 минута, а веќе по половина час игра, во листата на стрелци се запиша и Роберт Левандовски за 2:0. Во финишот на мечот Чупо-Мотинг и Коман погодуваа за конечни 4:0.
Борусија Дортмунд лесно стигна до трите бода на гостувањето кај Арманија Билефелд и победи со 3:1. Емре Кан, Матс Хумелс и Џуд Белингем беа стрелци на погодоците, а посебно убав беше тој на дефанзивецот Хумелс, кој погоди спектакуларно со волеј удар.
HUMMELS PUSKAS AWARD WORTHY GOAL!!
— Mahdi. (@PrimeSancho) October 23, 2021
Фрајбург потврдува дека има тим за висок дострел откако со 2:0 славеше на гости кај Волфсбург. Со оваа победа, Фрајбург е трет со 19 бодови, зад лидерот Баерн Минхен (22 бодови) и Борусија Дортмунд со 21 бодови.
Лајпциг со 4:1 го победи Гројтер Фурт во меч на кој гостите изненадувачки поведоа со 1:0 во 45 минута. Дека нема да има изненадување, фудбалерите на Лајпциг се погрижија со фириозна игра во првите 20 минути од вториот дел, кога постигнаа три гола.
