Пол Сколс најверојатно ќе се проба во улога на менаџер, откако започна преговори со англискиот четвртолигаш Олдхам. Сколс вчера присуствуваше на средбата против Меклсфилд, во која Олдхам загуби со 2-1, наводно ексфудбалерот на Манчестер јунајтед е фаворит да ја преземе одговорноста како шеф на стручниот штаб до крајот на сезоната.
Сколс и во октомври 2017 година конкурираше за клупата на Олдхам, но тогаш раководството се одлучи за Ричи Веленс, кој набрзо потоа доби отказ. Поранешниот англиски репрезентативец е фан на Олдхам од мали нозе, а неговото фудбалско реноме е главната причина што Сколс е фаворит за преземање на менаџерската улога во овој клуб.
Олдхам моментално е на 12-тото место на табелата во четвртата лига на Англија, со пет бода предност во однос на екипите кои се наоѓаат во зоната за испаѓање.