Ју Хенчао, крилниот играч на Гвангжу, направи ретко видена глупост и се обиде да ги измами учесниците во сообраќајот во Гвангжу, но беше фатен на дело како го менува знакот на табличките на својот автмобил и беше сурово казнет.
Буквата Е на својот џип се обиде да ја смени во Ф, што дава предност во сообраќајот, но беше снимен со камера и откако видеото беше објавено на социјалните мрежи, 33-годишниот репрезентативец на Кина со 59 настапи за националната селекција веднаш доби отказ од својот клуб Гвангжу Евергранде.
Guangzhou Evergrande midfielder Yu Hanchao, also a national team player, was sacked by the Chinese Super League champion after he was caught fabricating his own car plate. He will also face a 15-day detention and a fine of 5,000 yuan (US$708.73). pic.twitter.com/a6HXlVBNkF
— SHINE (@shanghaidaily) April 14, 2020
Ова е една од најбизарните причини за отказ, но во Гвангжу воопшто не се двоумеа да му кажат чао на Хенчао. За еден од најдобрите клубови во Кина, Хенчао игра од 2014 година, но сега ќе мора да си бара нов клуб.
