Стерлинг: Ви се верува ли, ќерка ми пее песни за Мо Салах!

Фудбалерот на Манчестер сити, Рахим Стерлинг, за кого наводно се интересира неговиот утрешен противник Реал Мадрид, даде интервју за мадридскиот спортски весник „АС“ и призна дека неговата ќерка навива за Ливерпул и пее песни за Мохамед Салах.

Пораснат во Лондон без татко и со сиромашна мајка на која како дете ѝ помагал во чистењето, на Стерлинг не му се предвидувала светла иднина, но фудбалот се покажа како спас за него. Сега Стерлинг е реализиран и богат човек, има два сина и ќерка, а малата Мелоди не навива за Манчестер сити.

„Таа сака да пее песни посветени на Мо Салах. Знае за ривалството на мојот тим и Ливерпул, па кога сака да ме налути, пее нивни навивачки песни. Но таков е нејзиниот карактер, и јас го имам тоа во себе“, рече Стерлинг, кој порано играше за Црвените.

- Оглас -

Најнови вести