Рајо Вајекано и Селта Виго одиграа без голови во меч од 12-тото коло од Примера дивисион. Со овој бод, Рајо стигна до 20 бодови и е на шестото место, додека Селта сега има 11 бодови.
На голот на Рајо одличен беше Столе Димитриевски, кој имаше неколку одлични одбрани и не дозволи да биде затресена неговата мрежа. Одбраната на Рајо беше одлична, но нападот потфрли, па првпат сезонава на свој терен не постигна гол.
📷⚡️ @Dimitrievski1 #RayoCelta #VamosRayo pic.twitter.com/1ELko0SlLp
— Rayo Vallecano (@RayoVallecano) November 1, 2021
Во претходните пет меча пред домашната публика Рајо имаше пет победи, а сега ја прекина таа перфектна низа и освои само еден бод. Со вкупно 16 освоени бода на домашен терен, Рајо е екипата која сезонава има освоено најмногу поени кога игра пред своите навивачи.
Следниот предизвик за Димитриевски и Рајо ќе биде гостувањето на „Сантијаго Бернабеу“ против Реал Мадрид.