Се појавија скандалозни информации во полските медиуми дека судиите помогнале вчерашниот контролен меч во Турција помеѓу австриски ЛАСК и полскиот тим Висла Краков да биде наместен според желбата на обложувачи кои вложиле многу пари на „4+ голови“.
ЛАСК победи со 3-1, а при резултат 1-1, на 15-тина минути до крајот на мечот, имало големи уплати (наводно биле уплатени над 45.000 евра) на 4+ голови.
Во 76-та минута беше досуден сомнителен пенал за ЛАСК, по кој Полјаците сакале да го напуштат теренот, но сепак останаа и доиграа. Австријците дадоа гол за 2-1, а и пеналот за Висла во првото полувреме бил спорен.
