Мароканската фудбалска федерација му изрече доживотна казна на арбитерот Хишам Тијази поради груби грешки при водењето на меч од тамошното првенство.
Грешките на 44-годишниот Тијази директно влијаеле на крајниот резултат и затоа тој веќе никогаш нема да суди. Тој досудил четири пенали на еден натпревар, од кои три за едниот тим. Тоа се случило минатиот викенд, на дуелот помеѓу Олимпик Хурибга и Јусуфија Берешид, кој заврши 4-1 за Олимпик. Три од четирите гола се од пенал, а за два има сериозни сомнежи дека воопшто немало фаули.
Судиската и Дисциплинската комисија го обвинија судијата дека допуштил сериозни прекршувања во толкувањето на правилата на фудбалската игра.
Инаку, судијата имаше само уште една година до крајот на кариерата. Судијата има знак и на ФИФА и водел и меѓународни мечеви на национални тимови.