Тирол Сваровски ќе мора да игра во Втората лига на Австрија од следната сезона, откако денеска во директен дуел за опстанок не успеа да ја победи Адмира на домашен терен.
Во Инсбрук на „Тиволи“ домаќините не успеаја да го најдат патот до мрежата на Андреас Лејтнер, па во меч без голови останаа покуси за два бода од Адмира и се простија од настапите во Типико Бундеслигата.
Тирол има интересна историја и честопати ги менуваше имињата на клубот, а беше и во голема криза, па и банкротираше, но потоа се врати во полн сјај.
На почетокот на овој милениум клубот од Инсбрук трипати по ред беше шампион на Австрија, во 2000, 2001 и во 2002 година.
Сега минува низ тежок период и ќе мора во идната сезона да се натпреварува со второлигашите во Австрија.
